Thursday, June 12, 2014

കൊട്ടിയൂര്‍ - വൈശാഖോത്സവത്തിന്‍റെ നിറവില്‍

  പെരുമാള്‍ക്ക് ശീവേലി

  ആനയൂട്ട്

യാഗഭൂമി ഒരുങ്ങുകയായ്..........ബ്രഹ്മ,വിഷ്ണു മഹേശ്വരന്മാരുടെയും ശ്രീപാര്‍വതിയുടേയും

എന്നിങ്ങിനെ സകല ദേവന്മാരുടേയും സംഗമ വേദിയാകുന്നു വൈശാഖോത്സവ

നാളുകള്‍.ഓരോ വര്‍ഷവും അശരണരായ ഭക്തജനങ്ങള്‍ക്ക് അഭായസ്ഥാനമാകുന്നു 

കൊട്ടിയൂര്‍.

ദക്ഷിണ ഗംഗയായ വാവലിപ്പുഴയുടെ ഇരു കരയിലുമായി സ്ഥിതികൊള്ളുന്നു 

അക്കരെ,ഇക്കരെ കൊട്ടിയൂര്‍ ക്ഷേത്രങ്ങള്‍. ഭാരത വര്‍ഷത്തിലെ അതി പൌരാണികമായ 

മഹാക്ഷേത്രം - 'ക്ഷേത്രമില്ലാ ക്ഷേത്രം- എന്നും വിശേഷിപ്പിക്കാറുണ്ട്.

ദക്ഷയാഗത്തെ അനുസ്മരിപ്പിച്ച് സഹ്യസാനുക്കളാല്‍ സമൃദ്ധമായ ഈ കാനനക്ഷേത്രത്തില്‍ 

ഉത്സവാരംഭത്തെ 'പ്രകൃതിയിലേക്കുള്ള തിരിച്ചു പോക്ക്' എന്ന് തന്നെപറയാം.യാഗോത്സവ

ചടങ്ങുകളിലെ രീതിയും, നിര്‍മ്മാണങ്ങളും എല്ലാം തന്നെ പ്രകൃതിയുമായുള്ള 

ബന്ധം വെളിപ്പെടുത്തുന്നു.കാട്ടുകല്ലിന്‍റെ മുകളില്‍ സ്ഥിതികൊള്ളുന്ന സ്വയംഭൂസ്ഥാനം,

മുളയും, കാട്ടുപനയുടെ ഓലകള്‍ കൊണ്ടുള്ള താത്കാലിക മേല്‍ക്കൂരകളും, 

വാവലിപ്പുഴയുടെ സാന്നിധ്യവും, ഓടപ്പൂ പ്രസാദവും -മനുഷ്യനും, പ്രകൃതിയും

തമ്മിലുള്ള അഭേദ്യമായ ബന്ധം സ്പഷ്ടമാക്കുന്നു.

27 ദിവസം നീണ്ടു നില്‍ക്കുന്ന ഈ വൈശാഖോത്സവത്തിനു ദര്‍ശനപുണ്യം നേടിയ 

ഭക്തജനങ്ങള്‍ അടുത്ത വര്‍ഷവും ദര്‍ശനഭാഗ്യം ലഭിക്കണേ എന്ന് നിറഞ്ഞ മനസ്സോടെ, 

പ്രാര്‍ത്ഥനയോടെ മടങ്ങുന്നു.


  
  ഓടപ്പൂ പ്രസാദം

വിശേഷ ദിവസങ്ങള്‍

മെയ്‌ 14. പുറക്കൂഴം - ഉത്സവാരംഭം. (സ്ഥാനികര്‍ക്ക് മാത്രം)

ജൂണ്‍ 5 നീരെഴുന്നള്ളത്ത്
(അഷ്ടബന്ധം പൊതിഞ്ഞു കിടക്കുന്ന സ്വയംഭൂവില്‍ വാവലീതീര്‍ത്ഥം തളിക്കുന്നു)
ജൂണ്‍ 10 നെയ്യാട്ടം   
ജൂണ്‍ 11 ഭണ്‍ഠാരം എഴുന്നള്ളത്ത്.ജൂണ്‍ 12 മുതല്‍ സ്ത്രീ ഭക്തജനങ്ങള്‍ക്ക് പ്രവേശനം
ജൂണ്‍ 16 തിരുവോണം ആരാധന
ജൂണ്‍ 18 ഇളനീര്‍വെപ്പ്
ജൂണ്‍ 19 ഇളനീരാട്ടം (അഷ്ടമി ആരാധന)
ജൂണ്‍ 21 രേവതി ആരാധന
ജൂണ്‍ 25 രോഹിണി ആരാധന (ആലിംഗന പുഷ്പാഞ്ജലി)
ജൂണ്‍ 27 തിരുവാതിര ചതുശ്ശതം
ജൂണ്‍ 29 പുണര്‍തം ചതുശ്ശതം
ജൂണ്‍ 1 ആയില്യം ചതുശ്ശതം
ജൂലൈ 2 മകം - മകം നാള്‍ കഴിഞ്ഞാല്‍ സ്ത്രീ ഭക്തജനങ്ങള്‍ക്ക് പ്രവേശനം നിഷിദ്ധം.
ജൂലൈ 6 തൃക്കലശാട്ട്

എല്ലാ ഭക്തജനങ്ങള്‍ക്കും വൈശാഖോത്സവത്തിനു സ്വാഗതം

യാഗഭൂവിലേക്കുള്ള വഴി : കണ്ണൂര്‍ ജില്ലയിലെ തലശ്ശേരി താലൂക്കിലാണ് കൊട്ടിയൂര്‍ ക്ഷേത്രം.

കണ്ണൂരില്‍ നിന്നോ തലശ്ശേരിയില്‍ നിന്നോ പുറപ്പെട്ടാല്‍ 60 കി.മീ സഞ്ചരിക്കണം.ട്രെയിന്‍ മാര്‍ഗം തിരുവനന്തപുരം/മംഗലാപുരം ഭാഗത്ത്‌ നിന്നും വരുന്ന ഭക്തജനങ്ങള്‍ തലശ്ശേരിയില്‍ ഇറങ്ങിയാല്‍ കൊട്ടിയൂര്‍ ക്ഷേത്രത്തിലേക്ക് ബസ്സ്‌ സര്‍വീസ് ഉണ്ട്(ബസ് സ്റ്റാന്‍ഡില്‍).

13 comments:

  1. എല്ലാ ഭക്തജനങ്ങള്‍ക്കും വൈശാഖോത്സവത്തിനു സ്വാഗതം

    ReplyDelete
  2. സാധാരണയില്‍ നിന്ന് വ്യത്യസ്ഥമായ ഒരു അനുഭവം പോലെ ചിത്രങ്ങള്‍ കണ്ടപ്പോള്‍ തോന്നി. പ്രകൃതിയുമായി ഇണങ്ങുന്നു എന്ന് പറയുന്ന ഒരനുഭവം ചിത്രങ്ങള്‍ കാണുമ്പോള്‍ തന്നെ സംഭവിക്കുന്നുണ്ട്. എപ്പോഴെങ്കിലും കാണണം എന്നോരാശ തോന്നി.
    നന്നായി.

    ReplyDelete
    Replies
    1. അതെ സര്‍ ഇത് തികച്ചും അസാധാരണവും വ്യത്യസ്തവും തന്നെ
      വരേണ്ടത് തന്നെ...... ശ്രമിക്കൂ

      നന്ദി ദേവൂട്ടിയെ സന്ദര്‍ശിച്ചതിനു

      Delete
  3. ആഘോഷങ്ങള്‍ ഇല്ലാത്ത ഉത്സവം കാണണമെങ്കില്‍ കൊട്ടിയൂരില്‍ വരണം .. വന്നാല്‍ ഒരു ഓടപ്പൂ നിശ്ചയമായും വാങ്ങുക

    ReplyDelete
  4. തികച്ചും വ്യത്യസ്ഥമായ ഒരു
    ആഘോഷമാണല്ലോ ഈ വൈശാഖോത്സവം അല്ലേ
    മനോഹരമായ ചിത്രങ്ങളും ഈ എഴുത്തിനെ മോടിയാക്കിയിരിക്കുന്നു

    ReplyDelete
  5. ഈ ബ്ലോഗില്‍ കൂടി ഞാനും കണ്ടു ഉത്സവം ട്ടോ :)

    ReplyDelete
  6. നന്നായിട്ടുണ്ട്.

    ആദ്യമായിട്ടാണ് ഇങ്ങനെ ഒരുത്സവത്തെ പറ്റി കേള്‍ക്കുന്നത്.

    ReplyDelete
  7. കേട്ടിട്ടുണ്ട് എന്നു തോന്നുന്നു..
    ഇനിയൊരിക്കൽ പോകണം എന്നുണ്ട്..
    മനോഹരമായ ചിത്രങ്ങളും എഴുത്തും കൊണ്ട് സുന്ദരമായി ഉത്സവ വിശേഷങ്ങൾ.
    ആശംസകൾ !

    ReplyDelete
  8. ഇന്നാണ്‌ ഈ പോസ്റ്റ് കാണുന്നത്. ഉപകാരപ്രദമായ വിവരങ്ങൾ... നല്ല ചിത്രങ്ങൾ...

    ReplyDelete