Wednesday, February 21, 2024

ഒരു കന്യാകുമാരി യാത്ര !

                       വീണ്ടുമൊരു യാത്ര! കേരള വ്യാപാരി വ്യവസാസി ഏകോപന സമിതി മണത്തണ യൂണിറ്റിന്റെ കൂടെ!!.കഴിഞ്ഞ വര്ഷം ചിദംബര സ്മരണകൾ എന്ന യാത്രാവിവരണത്തിന്റെ ബാക്കിയെന്നു പറയാം . ഇപ്രാവശ്യം 4 ദിവസങ്ങളായാണ് യാത്ര .

പതിവുപോലെ 2024 ജനുവരി 25 നു കൃത്യം 3.30  നു മണത്തണയിൽ നിന്നും പുറപ്പെട്ടു .തിരുവനന്തപുരം-കന്യാകുമാരി ആണ് ലക്‌ഷ്യം.25 സ്ത്രീകളും,25 പുരുഷന്മാരും (KVVES ന്റെ വനിതാവിങ്,യൂത്ത് വിങ് ,യൂണിറ്റ് മെംബേർസ്)

നമ്മുടെ ഭക്ഷണത്തിനു വേണ്ടി മെമ്പറായ ജിമ്മിയും കൂടെ രണ്ടുപേരും പാകം ചെയ്യാൻ ഉള്ള സാമഗ്രികൾ അടക്കം തുണ്ടിയിൽ നിന്നും കയറി.

ഇനി 4 ദിവസം വ്യാപാരവും,വ്യവസായവും,വീട്ടിലെ പ്രാരാബ്ധങ്ങളും ,ടെന്ഷനുകളും  മാറ്റി വെച്ച് സന്തോഷത്തോടെ ഒരു യാത്ര.

               


അടുത്ത വർഷത്തേക്ക് വരെ ഉള്ള ഊർജം നിറക്കുന്നത് പോലെ …..

ബസിൽ പാട്ടും ഡാൻസും മേളം തന്നെ.

പാട്ട് പാടിയ കലാകാരി തുടങ്ങിയത് കണ്ണന്റെ പാട്ട്. എന്റെ മനസ്സിൽ തോന്നിയത് പറയട്ടെ..

 ഗണപതിയെ സ്മരിച്ചാണല്ലോ നമ്മൾ തുടങ്ങാറ് പക്ഷെ കണ്ണനിൽ തുടങ്ങി. അതുകാരണം ആണോ പിറ്റേന്ന് പദ്മനാഭ സ്വാമിയെ കാണാൻ പ്ലാൻ ചെയ്തത് മുടങ്ങിയതും , അത് ലാസ്റ്റ് ദിവസത്തേക്ക് മാറ്റിയതും എന്ന് ഞാൻ ഒരു വേള ചിന്തിച്ചു .

ആദ്യം തിരുവനന്തപുരത്തു ആറ്റുകാൽ ദേവീ ക്ഷേത്രം തൊഴുതു. (സ്ത്രീകളുടെ ശബരിമല എന്ന് അറിയപ്പെടുന്നു )

വെട്ടുകാട് പള്ളി 










ചെങ്കൽ മഹാദേവ ക്ഷേത്രം 

തിരുവനന്തപുരം ജില്ലയിൽ നെയ്യാറ്റിൻകര താലൂക്കിൽ ചെങ്കൽ ഗ്രാമപഞ്ചായത്തിൽ തമിഴ്നാട് 

അതിർത്തിയോട് ചേർന്നുകിടക്കുന്ന പുറ്ററയ്ക്കൽ എന്ന സ്ഥലത്ത് സ്ഥിതിചെയ്യുന്ന ഒരു ക്ഷേത്രമാണ് ചെങ്കൽ മഹേശ്വരം ശിവപാർവ്വതി ക്ഷേത്രം.ശിവനും പാർവ്വതിയും ഒരേ പീഠത്തിലിരിയ്ക്കുന്ന   പ്രധാന പ്രതിഷ്ഠ. ലോകത്തിലെ ഏറ്റവും ഉയരം കൂടിയ മഹാശിവലിംഗം സ്ഥിതിചെയ്യുന്ന ക്ഷേത്രം എന്ന നിലയിൽ പ്രസിദ്ധമാണ് ചെങ്കൽ ക്ഷേത്രം. 111 അടി ഉയരം വരുന്ന ഈ ശിവലിംഗത്തിനകത്ത് ഏഴുനിലകളും അവയിലോരോന്നിലുമായി നിരവധി പ്രതിഷ്ഠകളും കാണാം. ഏറ്റവും താഴെയുള്ള നിലയിൽ പ്രതിഷ്ഠിച്ചിട്ടുള്ള ശിവലിംഗത്തിൽ ഭക്തർക്ക് സ്വയം പൂജകൾ നടത്താനുള്ള സൗകര്യവുമുണ്ട്. ശിവന് വിഗ്രഹ പ്രതിഷ്ഠയുള്ള ലോകത്തിലെ അപൂർവ്വം ക്ഷേത്രങ്ങളിലൊന്ന് എന്ന നിലയിലും ശ്രദ്ധേയമാണ് ഈ ക്ഷേത്രം. കൂടാതെ, 32 ഗണപതിരൂപങ്ങളുടെ പ്രതിഷ്ഠ, ഗംഗാജലം നിറഞ്ഞുനിൽക്കുന്ന കിണർ, പന്ത്രണ്ട് ജ്യോതിർലിംഗങ്ങളുടെയും മാതൃകകൾ തുടങ്ങി വേറെയും ആകർഷണങ്ങൾ ഇവിടെ കാണാം. ഇവയെല്ലാം 2011-നും 2021-നും ഇടയിൽ പണികഴിപ്പിയ്ക്കപ്പെട്ടവയാണ്. സ്വാമി മഹേശ്വരാനന്ദ സരസ്വതി എന്ന സന്ന്യാസിയുടെ നേതൃത്വത്തിലുള്ള ഒരു ട്രസ്റ്റാണ് ക്ഷേത്ര ഭരണം നടത്തിപ്പോരുന്നത്.

നട്ടെല്ലിന്‍റെ കീഴറ്റത്തായി മനുഷ്യ ശരീരത്തി ല്‍ സ ര്‍പ്പ രൂപത്തിലുള്ള കുണ്ഡലിനി എട്ടു ചുറ്റായി ചുരുണ്ട് കിടക്കുന്നതായി യോഗശാസ്ത്രം. (മൂന്നര, മൂന്ന് ചുറ്റുകള്‍ എന്നും വിശ്വാസമുണ്ട്). നിദ്രാവസ്ഥയിലുള്ള ഈ ശക്തി , യമം, നിയമം, ആസനം,പ്രാണായാമം തുടങ്ങിയ യോഗാനുഷ്ഠാനങ്ങളെ കൊണ്ട് ഉണ ര്‍ത്തു മ്പോ ള്‍ നട്ടെല്ലിനു സമാന്തരമായുള്ള ഇഡ, പിംഗള , നാഡികള്‍ സുഷുമ്ന വഴി മേല്‍ പ്പോ ട്ട് സഞ്ചരിച്ച് ശിരസ്സിലെ സഹസ്രാര പത്മത്തി ല്‍ (ആയിരം ഇതളുള്ള താമര)എത്തുന്നു. ഇതോടെ യോഗി സര്‍വ്വജ്ഞനും, സിദ്ധനും, മുക്തനുമാവുന്നു.

 

തന്ത്രവിധി പ്രകാരം മനുഷ്യ ശരീരത്തിന്റെ ഏഴ് മുഖ്യചക്രങ്ങളിലൊന്നാണ് മൂലാധാരം നാലിലകളുള്ള ഒരു ചുവന്ന താമരയാണ് മൂലാധാരയെ പ്രതിനിധീകരിക്കുന്നത്.

മൂലാധാരത്തിൽ ആരംഭിച്ച് സ്വാധിഷ്ഃഠാനം, മണിപൂരകം, അനാഹതം, വിശുദ്ധി,ആജ്ഞ, എന്നിങ്ങനെ ആറാധാരങ്ങളിലൂടെയാണ് കുണ്ഡലിനിയുടെ യാത്ര.

കൂടെ ഒരു ഗൈഡ് ഉണ്ടാകും എല്ലാ നിലകളുടെയും കാര്യങ്ങൾ വിസ്തരിച്ച് പറഞ്ഞു കേൾപ്പിക്കും ...  ഓരോ നിലയിലും അത്ഭുതത്തോടെയും ആകാംഷയോടും കൂടി ഭക്തി ജനിപ്പിക്കുന്ന അന്തരീക്ഷത്തിൽ നമ:ശിവായ ജപിച്ചു നീങ്ങി.
ഭീമാകാരമായ ശിവലിംഗത്തിലൂടെ ഏഴു നിലകളും കടന്നു ചെന്നാൽ കൈലാസമായി ...... അവിടെ എത്തുമ്പോൾ തണുപ്പ് കൂടി വന്നു....
പ്രത്യേകതരം അനുഭൂതി...... ശിവനും പാർവതിയും സഹസ്രദളം പദ്മത്തിൽ വിരാജിക്കുന്നു. എല്ലാവരും ഉച്ചത്തിൽ ജപിച്ചുകൊണ്ട് പ്രദക്ഷിണം വച്ച്.

 കൈലാസത്തിൽ എത്തിയ പ്രതീതി!!!!!!!!!!!!!! എന്റെ ജീവിതത്തിൽ ഞാൻ ആഗ്രഹിച്ചത് ...... 

ഇനി കന്യാകുമാരിയിലേക്കുള്ള യാത്ര !!!








നേരം അഞ്ചുമണി കഴിഞ്ഞു. ഇപ്പോള്‍ കടല്‍ത്തീരം മുഴുവന്‍ ആളുകളെക്കൊണ്ടു നിറഞ്ഞിരിക്കുന്നു. എല്ലാവരും കടലിന്റെ അനന്തതയിലേക്കു നോക്കിനില്‍പ്പാണ്. സൂര്യന്‍ ഉദിച്ചുയരുന്നുണ്ടോ? കിഴക്കേ ആകാശം മേഘങ്ങളാല്‍ ആവൃതമായിരിക്കുന്നു. എല്ലാവരുടെയും കാത്തിരിപ്പിനൊടുവില്‍...

                  ഇന്ന് സൂര്യൻ ഇത്തിരി വൈകിയോ?



ഇന്ന് അപൂർവ്വ തിരക്ക് തന്നെ റിപ്പബ്ലിക്ക് ഡേ ആയതിനാൽ പബ്ലിക് ഹോളിഡേ ആണല്ലോ...പിന്നെ ശനിയും ഞായറും.....

എന്തായാലും വിവേകാനന്ദപ്പാറ കാണാൻ പോവുക തന്നെ!! 

കന്യാകുമാരി ക്ഷേത്രത്തിന് കിഴക്ക് നിന്നാൽ ഉദയാസ്തമനങ്ങൾ ദർശിക്കാനാകും. അതു മാത്രമല്ല പൗർണമി നാളിൽ ഒരേ സമയത്ത് തന്നെ ചന്ദ്രോദയവും സൂര്യാസ്തമയവും അല്ലെങ്കിൽ സൂര്യോദയവും ചന്ദ്രാസ്തമയവും കാണാനാകുമത്രേ...

വിവേകാനന്ദ പാറയിലേക്ക് പോകാൻ ബോട്ട് സർവീസ് ആണ്. അതിനുള്ള ടിക്കറ്റ് എടുക്കാനുള്ള ക്യു വിലാണ്. വിശന്നപ്പോൾ പെട്ടിക്കടയിൽ നിന്നും ചായയും പരിപ്പുവടയും കഴിച്ചു. ഇതുപോലൊരു ക്യു ഞാനിതുവരെ കണ്ടില്ല. എങ്കിലും ചിരിച്ചും, കളിച്ചും, വില പേശി യും നമ്മൾ നടന്നു നീങ്ങി. കുറെ മണിക്കൂറുകൾ ക്യു വിൽ തന്നെ. പിന്നെ ബോട്ടിൽ കയറുന്നതിനു മുന്നേ lifejacket എടുക്കാൻ തിരക്ക്. എല്ലാരും ത്രിൽ മൂടിലാ.







അന്ന് വൈകീട്ട് തന്നെ തിരുവനന്തപുരത്തേക്ക് തിരിച്ചു. 'Magic planet 'ആണ് ലക്ഷ്യം.

3 മണിക്ക് തുടങ്ങുന്ന പരിപാടി ആണേലും അവിടെ എത്തിയപ്പോൾ 4 മണിയായി.


ഇത് ഒരു തീം പാർക്ക്‌ ആണ്. വിവിധ തരം ആക്ടിവിറ്റീസ് ഇവിടെ കാണാം.ആദ്യം നമ്മൾ കണ്ടത് ഒരാളെ ചിരിപ്പിക്കണം. ഒരു കോമാളിയെ പോലെ ഒരാൾ നിൽക്കും ആർക്കു വേണമെങ്കിലും അയാളെ ചിരിപ്പിക്കാം. അയാൾ ചിരിച്ചാൽ 5000/- നമ്മുടെ പോക്കെറ്റിൽ വീഴും. നല്ല ഗെയിം തന്നെ. പലരും ചിരിപ്പിക്കാൻ ശ്രമിച്ചു. നടന്നില്ല. അയാൾ ചിരിക്കുമോ, ക്യാഷ് അയാളുടെ ശമ്പളത്തിൽ നിന്നും കട്ട്‌ ആക്കും. അറിഞ്ഞെങ്കിൽ ഒന്ന് prepare ചെയ്യാമായിരുന്നു. അടുത്ത തവണയാകട്ടെ.
അടുത്തത് ഒരു മാജിക്‌ ഷോ. സൂപ്പർ....
പിന്നെ സിർക്കസ്... എന്തു രസമാണ്...


പക്ഷെ ചെറിയ മക്കൾ ഓരോ ഐറ്റം കാണിക്കുമ്പോൾ നെഞ്ചിടിപ്പോടെ, അത്ഭുതത്തോടെ, കണ്ണ് നനഞ്ഞ് കൈ അടിക്കാൻ തുടങ്ങി.എല്ലാം ഒരു ചാൺ വയറിനു വേണ്ടി ആണല്ലോ.

വീണ്ടും ഭിന്നശേഷി കുട്ടികൾ അവതരിപ്പിച്ച ഒരു മാജിക്‌ ഷോ. വീണ്ടും കണ്ണ് നനഞ്ഞു, ഹൃദയം വിങ്ങി........ ആ മക്കൾക്ക് നല്ലത് വരട്ടെ.

ഇനി ഷേക്സ്പിയർ ന്റെ 'The Tempest'. നാടകം. നന്നായി ആസ്വദിച്ചു. എന്നെ ഓർമ്മകൾ സ്കൂൾ നാൾ വഴികളിലേക്ക് കൂട്ടിക്കൊണ്ടുപോയി.

ഇനി ഒരു മെന്റലിസം പരിപാടി....എന്താണ് മെന്റലിസം ?എൻ്റെ ഇഷ്ട വിഷയം

ഒറ്റവാക്കിൽ - 'അതീന്ദ്രിയ സിദ്ധികൾ ഉണ്ട് എന്ന് തോന്നിപ്പിക്കുന്ന വിധത്തിൽ,മന:ശ്ശാസ്ത്രവും മാജിക്കും ഉപയോഗപ്പെടുത്തിക്കൊണ്ട് അവതരിപ്പിക്കുന്ന ഒരു കലാരൂപമാണ് മെൻ്റലിസം' -എന്ന് പറയാം

നമ്മളെ അത്ഭുതപെടുത്താനും ,അമാനുഷികം എന്ന് പറയാനും തോന്നുന്ന ഒരു തരംഐറ്റം . ചിലവരെ സ്റ്റേജിൽ വിളിക്കുന്നു.അവരെക്കൊണ്ട് ചിലത് ചെയ്യിക്കുന്നു.... അത്ഭുതം എന്ന് പറയട്ടെ, എല്ലാം ആ മാജിക് മാനുകഴിയുന്നു.... എന്നെയും വിളിച്ചു...മൊബൈലിൽ കോൺടാക്ട് നമ്പര് അവർ കാണാതെ സ്ക്രോൾ ചെയ്യുന്നു. അദ്ദേഹം അത് പറയുന്നു.എന്തോ അദ്ദേഹത്തിന് നമ്മുടെ കണ്ണുകളിൽ നോക്കുമ്പോൾ,കൈയിൽ തൊടുമ്പോൾ മനസ്സ് അറിയുന്ന പോലെ...

എന്തായാലും സൂപ്പർ തന്നെ 'മാജിക്‌ പ്ലാനറ്റ് '.







ഇനി ഒരു ദിവസവും കൂടി മാത്രം .രാത്രി വനിത വിംഗ് കുറെ കലാപരിപാടികൾ അവതരിപ്പിച്ചു. എത്ര നല്ല കലാകാരന്മാരും കലാകാരികളും ആണ് നമ്മുടെ കൂടെ ഉള്ളത് എന്ന് അഭിമാനിക്കട്ടെ.

രാവിലെ പദ്മനാഭ സ്വാമി ക്ഷേത്രത്തിൽ പോയി.... കോടീശ്വര പ്രഭുവിനെ തൊഴുതു..... മനം കുളിർത്തു ........................ഇനി നാട്ടിലേക്ക്....

4 ദിവസം ആഹ്ലാദിച്ച് തിമിർത്ത് പെട്ടെന്ന് എല്ലാം കഴിഞ്ഞല്ലോ ! വീണ്ടും അടുത്ത വർഷം പൊളിക്കാം! അല്ലെ ? എല്ലാർക്കും നന്ദി KVVES ന് ഹൃദയം നിറഞ്ഞ നന്ദി!!!

കുറച്ച് ഫോട്ടോസ്:





🙏


Saturday, June 17, 2023

യാഗഭൂമിയിലെ ശൈവപുണ്യം

 യാഗഭൂമിയിലെ ശൈവപുണ്യം........കൊട്ടിയൂര്‍ വൈശാഘോത്സവത്തെക്കുറിച്ച് 'ഹിന്ദു വിശ്വ ' മാസികയില്‍ എന്റെ ലേഖനം .......ഹര ഹര മഹാദേവാ..











നന്ദി ........
ഹിന്ദു വിശ്വ എഡിറ്റര് ശ്രീ.സുനീഷ് കെ ,ഡിസൈനര് ശ്രീ.രാജേഷ്‌ ചാലോട് , മനോഹര ചിത്രങ്ങള് തന്ന ശ്രീ.വിനോദ് മണത്തണ......................


Friday, January 13, 2023

 

ചിദംബര കാഴ്ചകൾ 

യാത്രകൾ എന്നും എനിക്കൊരു ഹരമാണ്. നിലാവുള്ള രാത്രിയിൽ, നേർത്ത തണുപ്പുള്ള രാത്രിയിൽ ഒറ്റയ്ക്ക് നടക്കാൻ , പ്രകൃതിയെ കണ്ടറിയാൻ,നേർത്ത തണുപ്പുള്ള രാത്രിയിൽ പുറത്തെ കാഴ്ചകൾ കണ്ട് കണ്ണും  നട്ടിരിക്കാൻ,സുന്ദരമായ പ്രകൃതി ഭംഗി ഒറ്റക്ക് ആസ്വദിക്കാൻ ,എന്നിലേക്ക് ആഴത്തിൽ അലിയാൻ എന്തിനേറെ ,പുതിയ സ്ഥലങ്ങൾ ,ഭാഷ,ജനങ്ങൾ .. എല്ലാം എല്ലാം ..

ജീവിതം തന്നെ ഒരു യാത്രയാണ് കയ്പ്പും മധുരവും നിറഞ്ഞ യാത്ര..

ഈ യാത്രയിൽ ഇനിയെത്ര ദൂരം!

 

അങ്ങിനെ ഞാൻ നവംബര് 25 നു ഒരു യാത്ര  പുറപ്പെടുന്നു.

നീണ്ട ഐടി ജീവിതത്തിൽ നിന്നും വിട വാങ്ങിയിട്ട് 7 വർഷം ,ഇപ്പോൾ തിരക്കുള്ള ഒരു വ്യാപാരി (കോമൺ സർവീസ് സെൻറർ). വ്യാപാരി വ്യവസായി ഏകോപന സമിതിയുടെ യാത്ര!!

ഉച്ചയ്ക്ക് 2 മണിക്ക് യാത്ര പുറപ്പെട്ടു. കൂടെ ഉള്ളവരെ കുറെ പേരെ അറിയില്ല എങ്കിലും വഴിയേ പരിചയപ്പെടാമല്ലോ ..

കണ്ണൂര് മണത്തണയിൽ നിന്നും പുറപ്പെട്ട് നിലമ്പൂർ റോഡ് വഴി ഗൂഡല്ലൂർ -ഊട്ടി-മേട്ടുപ്പാളയം സേലം വഴി ചിദംബരം. ഉച്ചഭക്ഷണവും കഴിഞ്ഞാണ് യാത്ര തുടങ്ങിയത്. ബസ്സിൽ നല്ല രസമായിരുന്നു . എല്ലാരുടെ പരിചയപ്പെടാലിന് ശേഷം ഗായകരായ യാത്രികരുടെ ഗാനങ്ങൾ അതിമനോഹരങ്ങളായിരുന്നു. സമിതിയുടെ പ്രസിഡണ്ട്,സെക്രട്ടറി,ട്രഷറർ എല്ലാവരുടെയും സഹകരണം വളരെ പ്രാധാന്യം അർഹിക്കുന്നത് തന്നെ. ഇതിൽ യൂത്ത്  വിങ്, വനിത വിംഗ് ന്റെ ഗാനങ്ങളും അന്താക്ഷരിയും ഞാൻ നന്നായി ആസ്വദിച്ചു.

രാത്രി ഭക്ഷണം കരുതിയിട്ടുണ്ടായിരുന്നു. കൂടാതെ പാചകക്കാരും പാത്രങ്ങളും കൂടെയുണ്ട്. എല്ലാം പാചകം ചെയ്ത് കഴിക്കുന്ന ആ സുഖം ഒന്നു  വേറെ തന്നെ!!

അതി രാവിലെ ചിദംബരത്ത് എത്തി.

 




 

തമിഴ് നാട്ടിലെ ചിദംബരത്തുള്ള ശിവക്ഷേത്രം. 

എന്റെ പഴയ വായനയിൽ മനസ്സിൽ അതിയായ പതിഞ്ഞുപോയ ഒരു ആഗ്രഹം ആണ് ചിദംബരം. ബാലചന്ദ്രൻ ചുള്ളിക്കാടിന്റെ ചിദംബര സ്മരണ എന്ന കൃതി ആയിരുന്നു മൂല കാരണം.

ചിദംബരം പഞ്ചഭൂത ക്ഷേത്രങ്ങളിൽ  ഒന്ന് . ഭരതമുനിയുടെ നാട്യശാസ്ത്രത്തിലെ 108 നാട്യ ഭാവങ്ങളും അവതരിപ്പിക്കുന്ന ചിത്രങ്ങൾ  കാണാം ...

ഭൂമി,ആകാശം,അഗ്നി,ജലം,വായു എന്നിങ്ങനെ പഞ്ചഭൂതങ്ങൾ 

കിഴക്കേ ഗോപുരം ചോള രാജവംശക്കാലത്ത് നിർമ്മിച്ചതെന്ന് പറയപ്പെടുന്നു. നടരാജൻ ആനന്ദനടനം ആടുന്ന ചിദംബരം....

"ആനന്ദനടനം ആടിനാൻ .." ഈണം മനസ്സിൽ മൂളി. 

എന്താണ് ചിദംബര രഹസ്യം?

ചിത്തിനെ ആകാശമാക്കുന്ന .. ആകാശഭാവം  എന്നുവച്ചാൽ രൂപമില്ലാത്ത .. മനസ്സിനെ ഉണർത്തുന്ന ആ ഭാവം.. 

ഹൃദയത്തെ ആനന്ദമാക്കുന്ന ദേവന്റെ സ്ഥാനം .. 

ചിദംബര രഹസ്യം തേടിയുള്ള യാത്ര... 

മോക്ഷം തേടി, ജന്മാന്തര പുണ്യം തേടി ആനന്ദ നടരാജന്റെ ന ടയ്ക്കലെത്തുന്നവരുടെയെല്ലാം ഹൃദയത്തിലുണ്ടാവാം അനവധി അനവധി അനുഭവങ്ങളുടെ കദന ഭാരം.

ദുഖത്തിന്റെ ഇരുട്ടിൽ നിന്നും മുക്തി തരണേ ,മോക്ഷം നല്കി

അനുഗ്രഹിക്കണേ എന്ന പ്രാർഥന ആകാം ഓരോ ഭക്തരുടെയും ഉള്ളിന്റെഉള്ളിൽ . 

ജീവിതത്തിൽ അറിയാതെ സംഭവിച്ചുപോയ തിന്മകളെ എല്ലാം നീക്കിക്കളയണേ എന്നു അറിയാതെ പറഞ്ഞു . 

കിഴക്കേ നടക്കു മുന്നിൽ എത്തിയപ്പോൾ ആകാശത്തിന്റെ അനന്തനീലിമയിൽ കൈകൂപ്പുന്നതുപോലെ തോന്നി ക്ഷേത്ര ഗോപുരം. 

ഓരോ ഗോപുര നിലയിലും ഭരതന്റെ നാട്യ ശാസ്ത്രത്തിലെ അഭിനയമുദ്രകൾ !!! മിഴിവുറ്റ ശില്പ വിസ്മയങ്ങൾ !!!!


പഞ്ചഭൂത ക്ഷേത്രങ്ങളില്‍ ഒന്നാമത്തേതാണ് ജംബുകേശ്വര ക്ഷേത്രം.ജലത്തിന് പ്രാധാന്യം നല്കുന്ന ക്ഷേത്രം

പഞ്ചഭൂതങ്ങളില്‍ അഗ്നിക്ക് പ്രാധാന്യം നല്കുന്ന ക്ഷേത്രമാണ് തമിഴ്നാട്ടിലെ അണ്ണാമലിലെ അണ്ണാമലയാർ ക്ഷേത്രം

വായൂ രൂപത്തില്‍ ശിവനെ ആരാധിക്കുന്ന ക്ഷേത്രമാണ് ആന്ധ്രാ പ്രദേശിലെ കാളഹസ്തി ക്ഷേത്രം.

പഞ്ചഭൂതങ്ങളില്‍ ഭൂമിയെ ആരാധിക്കുന്ന ന്ന ക്ഷേത്രമാണ് കാഞ്ചീപുരത്തെ ഏകാംബരേശ്വര ക്ഷേത്രം


ആകാശത്തെ പ്രതിനിധീകരിക്കുന്ന പഞ്ചഭൂത ക്ഷേത്രമാണ് ചിദംബരത്തെ ചിദംബരം ക്ഷേത്രം.



                                        

                                       








ചിദംബര ഭാവത്തെ തൊഴുത്  വീണ്ടും യാത്രകൾ തുടരുന്നു.
കാഞ്ചീപുരം മഹാബലിപുരം 

നായനാമൃതമായ കുറച്ചു ചിത്രങ്ങൾ കൂടി.. 

























ദേവൂട്ടി യാത്ര തുടരട്ടെ!!!!!!!!!!!!!!!!!
ഈ വഴിയിൽ ഇനിയെത്ര ദൂരം!!!!!

നന്ദി വ്യാപാരി വ്യവസായി ഏകോപന സമിതി മണത്തണ യൂണിറ്റ്.. 

വളരെ മനോഹരമായ ഈ വിനോദയാത്ര ഓർമ്മയുടെ പൂങ്കാവനത്തിലേക്ക് എന്നെന്നും വരച്ചിടുന്നു ....................