ഗുരുവായൂരിലെ പടിഞ്ഞാറേ നടയിലെ മൂന്നു നില ഫ്ലാറ്റിലെ രണ്ടാം നിലയില്‍ നിറം മങ്ങിയ ജനാലക്കരികില്‍ ഞങ്ങളേയും പ്രതീക്ഷിച്ച് രണ്ടു കണ്ണുകള്‍ കാത്തു നില്‍പ്പുണ്ടായിരുന്നു.പടികളെ പിന്നിലാക്കി കാലുകള്‍ മുന്നോട്ടു വയ്ക്കവേ മനസ്സില്‍ ഒരു ചിത്രം ഉണ്ടായിരുന്നു.വാതുക്കല്‍ തന്നെ ആ കണ്ണുകളുടെ ഉടമസ്ഥന്‍ പ്രത്യക്ഷമായി --“അദ്രിനാഥ്”--‘അദ്രി...കണ്‍ഗ്രാഗുലേഷന്‍സ്’ എന്നു അഭിമാനത്തോടെ പറഞ്ഞ് ആ മാന്ത്രികമായ കരങ്ങള്‍ കുലുക്കുമ്പോള്‍ ഞാന്‍ ഓര്‍ത്തു എല്ലാം ഗുരുവായൂരപ്പന്റെ കൃപ.മുഖത്തെ കണ്ണടക്കുള്ളില്‍ ഞാന്‍ കണ്ടു ആത്മവിശ്വാസം തുളുമ്പുന്ന ആ കണ്ണുകള്‍....ചെറു മന്ദഹാസത്തോടെ അവന്‍ നമ്മെ സ്വീകരിച്ചു..
ഇതാണു അദ്രിനാഥ്..ഗുരുവായൂര്‍ ശ്രീകൃഷ്ണ ഹയര്‍സെക്കന്ററി സ്കൂളിലെ പത്താം ക്ലാസ് വിദ്യാര്‍ത്ഥി.ഈ വര്‍ഷത്തെ സ്കൂല്‍ കലോത്സവത്തിനു മദ്ദളത്തിനു ഒന്നാം സമ്മാനവും ‘എ’ ഗ്രേഡും.കഴിഞ്ഞ വര്‍ഷവും ‘എ’ ഗ്രേഡോടെ ആണു അദ്രി മുന്നേറിയത് അതും സ്വന്തമായി മദ്ദളമില്ലാതെ..അവന്റെ സ്വപ്നങ്ങളില്‍ ഒന്നാണു അത്.നാലു വര്‍ഷമായി ഗുരുവായൂര്‍ ദേവസ്വത്തിന്റെ കീഴില്‍ പഞ്ചവാദ്യവും,മദ്ദളവും അഭ്യസിക്കുന്നു.രണ്ടു മുറി മാത്രമുള്ള ആ കുഞ്ഞു വീട്ടില്‍ അവന്റേയും അനിയത്തിയുടേയും പുസ്തകങ്ങള്‍ ....കിട്ടിയ സമ്മാനങ്ങള്‍ ... ഫോട്ടോ ആല്‍ബങ്ങള്‍ ...ഞാന്‍ കണ്ടു
ബാങ്കില്‍ പിരിവ് ജോലി യുള്ള നിരാമയന്റെയും ഭാര്യ ലളിതയുടെയും മകനാണ് അദ്രിനാഥ് .
അനിയത്തിയും ഡാന്‍സ് പഠിക്കുന്നു ...Feb 10 നു ഗുരുവായൂര്‍ നടയില്‍ മേല്‍പ്പത്തൂര്‍ ഓഡിറ്റോറിയത്തില്‍ അരങ്ങേറ്റത്തിന് തയ്യാറെടുക്കുകയാണ് അദ്രി ....വിദൂരഭാവിയില്‍ അവന്റെ സ്വപ്നമായായ സ്വന്തം മദ്ദളത്തില്‍ ആ വിരലുകള്‍ ചലിക്കട്ടെ,പഞ്ചവാദ്യം, കഥകളി, കൃഷ്ണനാട്ടം തുടങ്ങിയ പല കലാരൂപങ്ങൾക്കും ഒഴിച്ചുകൂടാനാവാത്ത ഒരു വാദ്യമായ മദ്ദളത്തില്‍ അഗ്രഗണ്യന്‍ ആകട്ടെ അദ്രിനാഥ് എന്നും നമുക്ക് പ്രാര്‍ഥിക്കാം..
എല്ലാ ഭാവുകങ്ങളും നേരുന്നു ഞാന്‍ ആ കുഞ്ഞു കലാകാരന് !!!
[N .B : അദ്രിനാഥ് -- എന്റെ ശ്യാമേട്ടന്റെ വല്യച്ഛന്റെ മകന്റെ മകന്‍]
കഴിഞ്ഞ വര്‍ഷത്തെ സ്കൂള്‍ യുവജനോത്സവത്തില്‍ നിന്നും 
